第三站

开学日，放学即刻去揾食。唔明点解一放学就饿鬼咁，难道返学消耗太多🤔去左旺角食饭，上网见呢间好多好评，试一试先。一入到餐厅，装修好舒服，主要系白色，感觉好干净光猛。每一个座位都有较高嘅梳化，私隐度很高，方便玩唔同嘅board game。我地叫左意式芝士肉酱扁意粉，烟三文鱼忌廉蕃茄酱扁意粉，两个餐都加$38 ，可以有沙律及芝士蛋糕，另外叫士多啤梨奶昔，薄荷朱古力。芝士肉酱扁意粉好大碟，好彩我小朋友大食，一般女士未必食得哂。烟三文鱼忌廉蕃茄酱意粉个汁好正，酸甜味效得刚刚好，份量一样好多。柸士多啤梨奶昔好香士多啤梨味，小朋友一边饮一边赞。应该好冻，暑气尽消。我柸薄荷朱古力都好好味，加埋上面有cream, 一绝。本来有3款芝士蛋糕选择，可惜卖哂，我地叫左法国朱古力芝士蛋糕。蛋糕卖相富欧陆风格，唔系放系碟就算，睇得出用心机准备。甜度适中，有诚意。总括坐得舒服，食物味度良好，仲要价钱平加旺角区👍🏻😋Yummy Yummy: 8/10😋