Twomoms

营业中

休息中

夜晚放工路过，想买个便当返屋企食。一心系谂住去隔离台湾嘢嘅，点知见到呢间新铺开张，黄色嘅主包非常之吸引，就停低脚步，睇吓系卖乜嘢食。原来舖头主打家常韩式便当，其实都几令人好奇，因为便当都系日式嘅多，韩式嘅比较少。餐牌上面嘅选择亦算丰富很多基本嘅韩式料理都有提供。仲有啲得意小食，一次一定试唔晒。最后我拣咗炸猪扒便当，因为好好奇同日式嘅炸猪扒便当会有啲乜嘢唔同。首先先讲包装，佢个饭盒同纸袋都非常精美，俾人第一嘅印象都很好。除猪扒外，仲有椰菜沙律、蒸蛋同埋泡菜，感觉家常又有诚意。猪扒厚身但唔会好油腻，拎到返屋企都仲保持到脆度，整体而言非常之有惊喜！下次一定会去买埋牛肉嘅菜式，希望一样有韩国正宗嘅味道。