Nunu燒 (已搬遷) 新店位置

近月周二晚喺老兰多咗个舞场，不过九点就开波，XO仔一OT亲晚饭即变得好赶，好似今个礼拜咁就只有半个几钟头剩，所以就应舞友推介，喺附近一家串烧屋「Nunu烧」度食简单啲，务求快速搞掂。小店一眼望哂，右方为厨房及吧位。左边则为要搭枱式o既散座，全配上圆櫈仔。桌上摆有餐牌及自助餐具。小肥一枝公黎食，不用费神即谂好食两款串烧加一客炸蚝。虽然未有点得太多食物，但楼面位哥哥仍极之客气友善，个人觉得相当难得！广岛吉列蚝（$40/两只）：炸至金黄o既广岛吉列蚝皮层松化香脆，蚝只不单热辣辣，咬落更加系肥美嫩滑，鲜甜美味，而且仲爆哂汁添，！安格斯牛（$110/两本）：半生熟o既串烧安格斯牛松软多汁，惹味非常。软骨鸡棒（$80/两本）：最精彩必选压轴上场碟软骨鸡肉棒。随两串棒棒有一小碟碎葱七味粉生鸡蛋秘酱。细佬最爱搅野，当然系边搅蛋黄鲜黄o既酱汁边拍照留念啦！食软骨鸡肉棒前先黏上蛋黄秘酱。哗，混入软骨制成o既鸡肉棒幼嫩得黎卜卜脆，外层被蛋黄秘酱包围即倍添香滑，冇得顶呀！感激舞友好介绍，令XO仔可以舞前于老兰「Nunu烧」快速轻食日式串烧小食作晚餐，善用时间又有好野食，仲要免收加一㖞，掂呀！