影片
更多
2017-09-25
338 浏览
细细个已经听过明星海鲜舫，系香港其中一个有特色既地方，因为佢系城门河旁边，远睇就好似一艘船咁，可以系船上一边用餐，一边欣赏河畔美景。今日终于得偿所愿，晨早9点去饮早茶。系大门口望入去，感觉系好旧，毕竟始终都有十几年既历史。开头以为呢度所有食物应该会好贵，但又唔系㖞！早市最平11.8就有交易，仲有优惠双并点心，价格同出面其他茶楼差唔多。可能星期一平日，茶客比较小既关系，只系开左一楼茗茶，二同三楼都冇开。呢度早茶应该都系做开街坊生意，本身谂住咁早应该有窗口位坐，可以望住城门河叹茶，点知已经坐满哂客不过唔紧要啦～试下食物水准先一行两人，等侍应执好左枱我地就坐底，点知一睇⋯d碗碟崩既，再唔系就污糟既⋯仲要真系崩得好离谱⋯唯有叫侍应帮我地换过套⋯但换既只系换套冇咁崩⋯其实崩到咁都真系唔应该仲拎出黎招呼客人，始终危险，有机会𠝹到手，或者用碗食野会𠝹到口，特别系在场有好多公公婆婆饮早茶。而之后叫既点心，当然个碟或者碗都系崩既。希望海鲜舫可以改善下呢点黎到食物方面牛肉球够大粒弹牙，食落新鲜，加埋喼汁，好味呀！豉汁凤爪，个蒸笼好大⋯卖相一般⋯一上枱d汁已经飞到成个碟都系⋯味道不过不失，合格。流沙奶黄包，
今日终于得偿所愿，晨早9点去饮早茶。系大门口望入去，感觉系好旧，毕竟始终都有十几年既历史。开头以为呢度所有食物应该会好贵，但又唔系㖞！早市最平11.8就有交易，仲有优惠双并点心，价格同出面其他茶楼差唔多。
可能星期一平日，茶客比较小既关系，只系开左一楼茗茶，二同三楼都冇开。呢度早茶应该都系做开街坊生意，本身谂住咁早应该有窗口位坐，可以望住城门河叹茶，点知已经坐满哂客不过唔紧要啦～试下食物水准先
一行两人，等侍应执好左枱我地就坐底，点知一睇⋯d碗碟崩既，再唔系就污糟既⋯仲要真系崩得好离谱⋯唯有叫侍应帮我地换过套⋯但换既只系换套冇咁崩⋯
其实崩到咁都真系唔应该仲拎出黎招呼客人，始终危险，有机会𠝹到手，或者用碗食野会𠝹到口，特别系在场有好多公公婆婆饮早茶。而之后叫既点心，当然个碟或者碗都系崩既。希望海鲜舫可以改善下呢点
黎到食物方面
牛肉球够大粒弹牙，食落新鲜，加埋喼汁，好味呀！
豉汁凤爪，个蒸笼好大⋯卖相一般⋯一上枱d汁已经飞到成个碟都系⋯味道不过不失，合格。
流沙奶黄包，呢个真系几期待会流心！点知一开⋯说好的流心呢？？只系普通既奶黄包，而且奶黄得好小⋯失望
炸两，男友表示油炸鬼够脆，几好食，但唔知点解咁快冻左。
上汤鲜竹卷，食落一d油腻感都冇，好清新，个汤好鲜甜好好饮，底下放左两块白萝卜，鲜甜但有渣。
虾饺，每粒都有起码两只虾仁，用料足，食落爽口，冇霉味，唔错唔错！
猪膶并滑牛粥，牛肉系鞋既，有根⋯猪膶唔爽⋯差⋯
洗手间环境一般，空间算大，厕格数量足够。但宜注意清洁打扫，厕格墙身满满尘埃，厕板清洁液也是空的，抽气系统既隔尘网都堆满哂尘。
两人埋单120蚊左右，食物质素一般，但胜在有河景搭配。
张贴
