漁港艇仔粉 (望隆街) (已結業)

今日喺筲箕湾度食下午饭🥣，见到有间专卖艇仔粉做招徕嘅专门店，所以我同同事就不约而同地冲入去，去试吓味啦，其实我喺香港仔都食过真正既艇仔粉，有一个渔夫喺船上面卖嘅艇仔粉，佢会泊船喺码头到卖，好有风味。招牌艇仔粉嚟到呢度一定要食个艇仔粉，𩠌菜方面有烧鸭、叉烧、红肠、鱼片、鱼蛋、鱼皮、生菜，以上食物食材都系大路货，唔会话有咩好特别，味道都可以既，重点系赢过大地鱼汤底，确实够鲜甜有大地鱼味，唔系一般嘅味精汤底，同我之前喺艇家食嘅汤底基本上好接近，食材方面同艇家嘅亦都系差不多，所以味道各方面同艇家好相近，大家未食过嘅可以一试。北菇蒸鸡饭因为依间食店主打嘅唔系蒸饭，鸡方面当然唔系新鲜鸡，但都有鸡味（冇雪味），饭粒都算硬度适中，唔会太痴牙太硬身，味道都可以接受，好过好多茶餐厅。