漁港艇仔粉 (望隆街) (已結業)

艇仔粉而家都可以係餐廳入面食到喇!唔洗去碼頭CALL船企係條街食啦!招牌艇仔粉 有紅腸 炸魚皮 叉燒 魚片 燒鴨 每樣都係一至兩件奶白色既湯底用上大地魚湯 特別鮮甜香氣濃郁魚脆係自家出品,特別薄又脆口 魚片都係特別香同有彈牙口感燒鴨紅腸則是用來貨 不過係濃郁既湯底之下將各種食材既味更加提鮮提香 平平無奇既食材變成一碗美味既湯麵凍飲加錢 要了凍檸茶 走甜夠濃香平均消費$55評分8/10漁港艇仔粉筲箕灣望隆街2號銀河廣場地下1,1A及2號舖

又到中午吃午飯的時候，途經漁港就想吃艇仔粉，於是就入去光顧，入店後找了座位坐之後就點餐，這次點了招牌艇仔粉，姬松茸燉竹絲雞和凍朱古力，一會兒之後餐到了，艇仔粉的湯底是用地寶魚餚製而成，有魚的鮮味和清甜，配以白切雞，燒鴨，叉燒，魚蛋和炸魚皮等餸料很好吃，吃完粉和餸料之後就連湯也飲埋，之後到飲燉湯，燉湯也很充料和好飲，有松茸，瘦肉和竹絲雞這些湯料，很夠火喉來燉，飲完燉湯之後湯料也吃了，凍朱古力甜度適中，店內環境舒適，冷氣夠涼，服務員的態度也很好，整體上很不錯，在香港賣艇仔粉的食肆不多，下次再來光臨

入到舖頭入面，點了艇仔份及炸魚沙律，首先艇仔份都唔駛點解，大碗，多料，味道正，想講下炸魚沙律，個件炸魚的面積跟個碟一樣咁長，香口到不得了，及個沙律也很好味，大家一齊去試吓啦！（睇吓張相就明我意思呀）

今日要去筲箕灣，行過兒時居住既地方，緬懷一下，見到以前賣game既鋪位變成賣麵食鋪頭，見佢都算多人，入去下午茶☕️輕鬆下，點了一個沙爹牛肉麵，出前一丁。 黎到既時候都算幾大碗，賣相比我想像中好，仲有條菜添😂。飲第一口湯，有驚喜，此碗唔係普通既沙爹牛，係有沙爹濃湯既沙爹牛肉麵，牛肉仲係鮮牛厚切，抵讚。為左証明是出前一丁，好多時都比埋包麻油客人既，我食到一半都有嘗試落，發現唔岩味，建議唔使落麻油，好好享受正宗既沙爹湯底仲好啦。後黎唔夠喉，叫多份咸牛肉三文治🥪，味道同樣好。今日對得住自己肚皮啦！

今次嚟到呢間小店食艇仔粉 ❣️艇仔粉其實就係以前喺避風塘上面買嘅粉麵😆歷史都幾悠久，幾特別😛-🍞雪山粒粒西多士🗻-見到賣相都已經覺得好正😍係粒粒西多士上面沈咗糖霜，炸到外脆內軟，雞蛋味好香🥚最重要係粒粒都好好好鬆軟，唔會話炸到好硬好油😭佢另上煉奶同花生醬，比你自己點住食😛好好味，而且咁大份算好抵🙈💕另外大推紅豆冰🧊，我唔係好鍾意紅豆，但係我都覺得呢杯超好飲‼紅豆份量好多，奶好鮮甜，夏天飲紅豆冰啱啱好，大家可以加錢嗌😍-評分：8.6/10價錢：$38-🌊招牌小艇粉套餐（瀨粉/生麵）🍜-嚟到呢度又點可以唔嗌艇仔粉呢😆呢個套餐包艇仔粉一碗，生菜半份，炸魚皮半份，同埋熱飲☕️全部湯底都係大地魚新鮮製作😛一定冇加味精，唔會過鹹又唔會口渴🙈但魚味唔夠濃🤣佢仲可以自己揀麵底，河粉米粉生麵米線全部都有，仲可以加錢加底！🍜艇仔粉好大碗，入面都好足料，有燒鵝，叉燒，紅腸，魚蛋，魚片同埋炸魚皮🥰份量真係好多好抵！呢度嘅魚蛋魚片幾爽口彈牙，雖然覺得可以再正啲，始終期望漁港質素🤣大推炸魚皮，全部都係新鮮即炸，超脆卜卜，浸入湯度食啱啱好❣️但燒鵝同叉燒就唔係話好肥美🤣🙈但咁平，點都抵食啦‼️生麵即係幼麵，個人鍾意呢款麵多

美味的艇仔粉店。下午今日天氣太熱，剛剛經過幫襯魚港艇仔粉，艇仔粉可以有下午茶或正常size的選擇，下午茶$36包飲品，正常艇仔粉是$44沒有飲品但size 大一點。艇仔粉配料十分豐富，有叉燒，炸魚皮，魚蛋，魚片及燒鵝，比我預期豐富美味。湯底是鮮魚熬出，感覺沒有味精十分魚鮮味，但不會魚腥味，湯溫度亦十分夠熱，可配合河粉或米粉，個人覺得加點胡椒粉會更提起鮮味。配料每一樣都非常出色，鵝片位置不是頭頭尾尾肥膩的位置，有時候是燒鵝髀，魚蛋魚片十分彈牙，叉燒是比較瘦的不會太肥又不會柴，值得一讚是炸魚皮厚薄適中，香香脆脆，浸在熱的魚湯中非常美味。整體感覺非常好，值得推介！

筲箕灣這間店是分店，原本的店在鴨脷洲這店最出名就是他的經典艇仔粉什麼事艇仔粉呢？其實就是魚湯河粉上加上各類型的配料，有魚蛋、魚片、紅腸、叉燒、炸魚皮、燒鴨等配料十足每次都吃得很飽但說到底艇仔粉的靈魂就是這碗魚湯，他的魚湯鮮甜入味又不會過鹹、有很好的火候👍另外的沙嗲牛肉上湯生面亦非常出色，不過差不多每次幫襯都係為咗個艇仔粉🤣

以前筲箕灣係一個漁港，很多漁家艇家水上人家，佢地出名有獨特飲食文化，現在大多數都「上岸」，令大眾接觸到佢地美食機會越嚟越少～～～本身住筲箕灣多年，見到呢間艇仔粉開張，想試好耐，今晚就黎一嚐呢碗粉一上枱，第一樣要試係湯頭～～鮮甜！煲至奶白色，正！魚皮脆！細心聽一聽有吱吱聲，應該係再油炸一次先送比客戶食！細心叉燒鴨肉 來貨正常味魚蛋魚片爽脆！呢碗艇仔粉相當高分！見到餐牌有個招牌花膠飯，下次要再嚟！😋😋😋😋😋😋

從小時候住在船上生活,很多時候都是食這種河粉,當時我們冇得選擇,因為那時候不會想坐船出去岸邊食一餐飯再回船上.只能在自己住的船,搖手經過的河粉船過來,他們現場切,煮,整,都在他們的小船上,我們那時候未有手提電話,CALL不到他們來我們的船,如果不好彩,當天你可能等成日都唔會有得食這種河粉,(只能在自己船上乖乖食公仔麵吧).癈話不多說.今天有幸經過這間餐廳,立即坐低叫一碗來食,食返當時的味道個種感覺,隨了感動還是感動.人生的回味永遠都是最值得珍惜.

今日喺筲箕灣度食下午飯🥣，見到有間專賣艇仔粉做招徠嘅專門店，所以我同同事就不約而同地衝入去，去試吓味啦，其實我喺香港仔都食過真正既艇仔粉，有一個漁夫喺船上面賣嘅艇仔粉，佢會泊船喺碼頭到賣，好有風味。招牌艇仔粉嚟到呢度一定要食個艇仔粉，餸菜方面有燒鴨、叉燒、紅腸、魚片、魚蛋、魚皮、生菜，以上食物食材都係大路貨，唔會話有咩好特別，味道都可以既，重點係贏過大地魚湯底，確實夠鮮甜有大地魚味，唔係一般嘅味精湯底，同我之前喺艇家食嘅湯底基本上好接近，食材方面同艇家嘅亦都係差不多，所以味道各方面同艇家好相近，大家未食過嘅可以一試。北菇蒸雞飯因為依間食店主打嘅唔係蒸飯，雞方面當然唔係新鮮雞，但都有雞味（冇雪味），飯粒都算硬度適中，唔會太痴牙太硬身，味道都可以接受，好過好多茶餐廳。

選擇了招牌艇仔粉，餸會比較多。這裏可以選擇通常酒樓才有的瀨粉，但週末份量較少，當天大約三點半下單已是最後一碗瀨粉。魚湯味道鮮美，能嚐出魚味，喝完亦不會感口渴，喜歡的話亦可加胡椒粉提味。唯餸菜的配搭選擇不多。整體很滿意，比起連鎖麵店，吃麵又多一選擇。

重陽節休息日，下午出門轉轉，走到了筲箕灣街市旁邊的‘漁港-艇仔粉’。第一次經過那邊，隔著馬路看到：一個間～店門面乾淨，窗戶明亮，外表不同於與周圍雜亂環境的茶餐廳！進門就有位，不錯！看了一下menu，叫了兩份餐：- 雪山粒粒西多士 配 熱咖啡 HKD38.-/份，可以說：好吃到不得了！！！....👍👍👍賣相好，量也足夠多！現做出來的，鬆軟熱辣，咬下去還有雞蛋香，淨食已有100分！ 店家還配了兩款沾醬（甜練奶/花生醬），錦上添花！！在次，力薦此餐第二份：吉列魚柳哈蛋沙律多士 配 熱咖啡 HKD47.-/份 雖然價格不便宜，但魚柳的大小厚薄都很適宜，吉列粉也酥脆，搭配的水果沙律不是我喜歡的（我喜歡薯仔）；多士烘的香，有質感，不錯👍總體講，魚柳和多士➕分- 看到有炸魚皮，可以order半份（HKD11.-）吃了幾片才想起來拍照，半份可不止這些😊買單100蚊有找，吃得舒服，坐得寬鬆，下次還來

Went there yesterday night for a casual dinner. First time going there, I ordered pork knuckles with rice ($52), plus a half order of Chinese kale ($11). The pork knuckles with Chinese curd sauce (南乳豬手）was very delicious and tender and the collagen/protein would just stick to lips. There were total maybe around 6 or 7 pieces in my portion, which I found quite enough. Till the end I felt a bit too heavy and salty, needed to eat with rice. Kale was fresh. Next time will go and try their signature

好少會到筲箕灣食早餐，地方不算大，但尚算坐得舒服，不會有擠迫感覺！一入去已坐滿客人，幸好還有一張台，所以不用等位！待應亦貼心送上熱水和遞上餐牌！尚算坐得舒服五香肉丁米粉還可配兩款不同食物(火腿，腸仔)，這個不太辣，可接受(本人不太吃辣)，份量比較多。我最愛吃這個，賣相不錯，味道不淡，但通粉淋左少少這個不得不介紹一下，魚柳是即叫即炸，侍應貼心地提醒小心熱，外脆，魚也比較滑，不會太乾，多士也脆脆的，滑蛋也很嫩滑不過因為即時製作關係，要等耐少少時間總括：份量比較多，價錢合理，款式亦多，可以一試

係香港一個細小的地方，有好多不同種類的美食，我覺得艇仔粉其實都好應該廣傳下去。在香港這個地方，很少機會吃到這一碗艇仔粉，但其實做法十分簡單，用的大部份都是魚湯，材料也是經常在粉面檔吃得到的普通東西。「紅腸，炸魚皮，墨魚丸，叉燒，燒鴨，魚片，生菜」，七種餸菜合起來就是一碗艇仔粉。在我猶疑，還是感到配上河粉是最好吃的。真的奇怪那麼簡單，可是在香港卻十分困難尋找。今日的時間不夠，難以再遠去香港仔尋找艇隻再吃一下，可是近排就是這麼執迷著尋覓著不同的艇仔粉。老實說一句，其實真的很普通，更加不是什麼山珍海味的美味，找起來還有一點傻氣 ，吃的只不過是一種回憶南區情懷，水上人家的味道。這種的雜錦粉麵，簡單得很，但卻是碩果僅存，魚湯鮮味得很，更卻是曾經的香港少有的香港特色，香港自身為一個漁港，希望傳統可以保存，把這一份歷史醞釀下去。艇仔粉是什麼我相信很多香港人也不知道，又有誰可以將這些發揚光大