蘇媽.蘇媽馬來西亞美食店 (已結業)

今日黎到呢间小店，佢有两层，楼下系点餐同制作食物，行到侧边上阁楼就可以上楼上一边凉冷气一边食，大热天时最需要😂面食同饭类都有分普通Size或大Size，本人细食，所以叫左普通Size。点完餐黎，问职员系楼上等定自己拎野食（见之前食评都话职员会拎埋上黎），可能个日员工唔多，职员话自己等埋野食先上去。其实楼下有类似Bar枱位，佢有个冷风机，不过夏天都系唔够。拎埋野食就上楼上自己揾位坐，楼上有野餐具纸巾提供。不过餐具都系即弃，虽然方便职员，但真系唔系几环保🙈今次试汤咖哩同招牌老鼠粉。先讲汤咖哩🍜，相对较为淡味，面硬度适中，细细碗但都足料，有大件鸡件。至于老鼠粉，其实有D似鲁肉银针粉，较为重口味，记得要捞混先好食，唔系D酱同肉沈系底食唔到。 本人觉得呢个几好味，好够味，除左肉碎，仲有几肉簿猪肉。女仔唔大食普通Size好够，男仔可能要大份先得，佢D小食价钱都唔贵，抵食！