龍門冰室 (已結業)

龙门冰室分店越开越多，点都有一间喺左近 ，今日过嚟公司呢边处理啲嘢，顺便就喺度食埋晚餐。虽然系港式茶餐厅，但系环境企企理理好卫生，坐得好舒服，餐厅仲提供埋纸袋俾我哋装口罩，而每张枱都会放一支酒精搓手液，对食客安全方面十分贴心。《玉子烧常餐》$48 （咸牛肉芝士玉子配鲜茄牛肉通粉）玉子煎得好滑，而且入边嘅咸牛肉分量超多，夹杂埋轻微拉到芝既芝士真系一流，而且花生酱多士入面嘅花生酱都好足，非常满足呀！鲜茄通粉亦做得出色，番茄汤浓郁，份量多，好抵食！《咖喱牛腩饭》$52咖喱牛腩够林够入味，咖喱偏甜，唔辣，符合大部份人嘅口味，捞饭食真系好正😍《铁板升级杂扒》$105 配黑椒汁、薯菜、餐汤超大碟！而且每块扒都好大块，肉质好松软，牛扒煎得刚刚好，唔会韧，薯条亦都唔会淋batbat，仲有烟三文鱼同埋炸带子添，自己一个人食真系冇办法食得晒🤣《奶茶红豆冰》$9茶味浓郁，红豆份量好多，接近半杯，整体来讲又唔会太甜，价钱仲要唔贵添，高质！ 龙门冰室真系一间质素好好又有良心嘅黄店，嘢食味道好而且份量真系超大，值得咁多人支持。