九份茶舍 (已結業)

葵涌广场出咗名有好多小食店 当中都有唔少良心小店 嚟咗葵广扫街 其中一样就系嚟二楼嘅九份茶舍饮返杯台式饮品🧋呢层嘅人流都几多 因为隔离舖大部分都系扫街小店 不过我已经决定咗要帮衬呢间💛 台式饮品店黎讲价钱又唔算贵 仲要可以储印仔落印仔卡 储够数就有饮品回赠 都几抵饮今日饮嘅系餐牌上面有推介嘅黑糖瀑布珍珠鲜奶 仲有两只连猪公仔 应该系最推介喇😺 有两种size分嘅 我呢杯就系大杯装 拎上手见到黑糖黐晒喺杯 真系好似瀑布咁流落嚟 挂杯效果一流 影出黎都觉得佢靓🤭搅咗一阵嚟饮都仲系觉得杯底部分会零舍甜 唯有俾多啲耐性再搅吓 咁就饮到黑糖同奶平衡都几好 但系我本身唔系好好甜野 都系觉得有少少偏甜😛 可能下次嗌返少黑糖会好啲 但系都饮得出 佢除咗挂杯嘅黑糖之外都冇再落其他糖浆👻 珍珠都几烟靭 唔会系硬骨骨一旧粉咁😹