九份茶舍 (已結業)

🇭🇰 九份茶舍·三色仙草芋圓$37我哋嗰日本身係想食甜圓㗎 但係原來佢已經執咗😭😭所以我哋就上網睇吓附近有邊間芋圓出名 之後見到網上都幾多人推介呢間 就嚟左 點知最後有少少失望🙊佢芋圓嘅顏色有少少奇怪 係有啲似水晶珠咁 而且冇乜味 之後佢啲紅豆都好似擺咗好耐咁 食落唔係好新鮮 所以大家可能都係嗌嘢飲好啲🤭😂😂·📍葵芳葵富路7號葵涌廣場2樓2015號舖)·#rby💛#rbyeat #rby好去處#rby台灣菜 #rby甜品飲品 #rby港式#rby葵涌

好味指數：😋😋😋😋推薦指數：⭐⭐⭐⭐ 今日嚟葵廣附近食lunch,諗住買杯飲品🧃之前有試過呢度嘅芋圓，味道都唔錯😁但係一直都未有機會試佢地嘅茶飲，所以今日買咗杯試下😆平時成日飲得多奶茶，諗住叫杯純茶類，叫咗杯原片四季春茶🌿四季春茶比起一般茶相對較為清新，味道唔會太濃，十分解膩。如果想飲手搖飲品又唔想太heavy可以試下呢間嘅四季春茶👍🏻📍九份茶舍地址：葵富路7號葵涌廣場2樓2015號舖

葵涌廣場出咗名有好多小食店 當中都有唔少良心小店 嚟咗葵廣掃街 其中一樣就係嚟二樓嘅九份茶舍飲返杯台式飲品🧋呢層嘅人流都幾多 因為隔離舖大部分都係掃街小店 不過我已經決定咗要幫襯呢間💛 台式飲品店黎講價錢又唔算貴 仲要可以儲印仔落印仔卡 儲夠數就有飲品回贈 都幾抵飲今日飲嘅係餐牌上面有推介嘅黑糖瀑布珍珠鮮奶 仲有兩隻連豬公仔 應該係最推介喇😺 有兩種size分嘅 我呢杯就係大杯裝 拎上手見到黑糖黐晒喺杯 真係好似瀑布咁流落嚟 掛杯效果一流 影出黎都覺得佢靚🤭攪咗一陣嚟飲都仲係覺得杯底部分會零舍甜 唯有俾多啲耐性再攪吓 咁就飲到黑糖同奶平衡都幾好 但係我本身唔係好好甜野 都係覺得有少少偏甜😛 可能下次嗌返少黑糖會好啲 但係都飲得出 佢除咗掛杯嘅黑糖之外都冇再落其他糖漿👻 珍珠都幾煙靭 唔會係硬骨骨一舊粉咁😹

本身想食3樓嗰間但無開，但又想食芋圓就去咗呢間買，買咗碗椰汁西米三色芋圓，一啲甜味同椰汁味都無，芋圓同西米分量又少，椰汁入面仲有點黑色嘢，看返食評原來都有人話佢好難食，如果早啲睇到就唔駛晒錢，又貴又難食

好日都唔行過葵涌廣場，諗住路過留少少quota食心愛的芋圓，所以外賣咗一碗熱黑糖薑母三色芋圓返屋企，點知把鬼！碗嘢珍珠多個芋圓，芋圓只得六粒，珍珠就好多搭夠，碗糖水仲有少少酸味⋯⋯不過公平嗰句，佢D芋圓質素ok，都夠煙靭，但珍珠就一咬即散，溶溶地咁⋯⋯早知咁樣，返上樓上3樓嗰間買好過，樓上嗰間食過一次又平又抵，呢間要$37⋯⋯失望而回，物非所值又浪費咗一次留肚食嘢嘅機會，蝕左

基本上我哋每一次見面都要買珍奶今次去咗葵涌廣場 2樓嘅一間舖頭 九份茶舍💛揀咗一杯 黑糖瀑布珍珠鮮奶💛 鮮奶系列🐮次次經過呢間都覺得特別多人排隊🥺琴日見冇乜人即刻買咗杯！ ！ ！ 見到個Menu有兩隻連豬 決定就要揀呢一個😆💛💛💛💛入面嘅黑糖 黐住係個杯度真係好似瀑布咁架 又幾特別喎(˶‾᷄ ⁻̫ ‾᷅˵)又唔會太甜 我哋仲叫咗少少少冰 撈勻之後飲 啱啱好甜度 黑糖味好香 珍珠係大粒個種 口感唔錯 好好咬 少少甜甜地嘅黑糖味 ◉‿◉奶味都好香 唔會特別重~(太重奶味反而我覺得好飲)🤪價錢方面都算幾平 $26 (細杯) 我哋兩個女仔飲啱啱好❤️

又回到超過25度的中午，好像還未感受到春天，夏天已經來了，即使因為疫情大大減少買手搖次數的我，也忍不住「外賣自取」，拎返屋企飲都好過無啦，無懼脂肪，想飲就飲吧。難得來到葵廣，整個商場應該有超過10間以上的台式飲品舖頭吧，本來計劃先去買個雙重朱古力雞蛋仔再配一杯台式飲品，傾吓發現原來都雞蛋仔舖頭已經結業，雞蛋仔落空，台飲就決定幫襯九份茶舍。九份茶舍早幫襯過十幾次了，最欣賞他們的小芋圓和仙草。順便幫鄰居代購，這次點了炭焙奶茶配仙草、珍珠奶茶配小芋圓，自己最like 它們有細杯size，份量來得剛剛好，下午飲都不擔心夜晚眼光光。炭焙奶茶方面坦白説跟別家的確有差，但小芋圓依舊出色，下次會直接點仙草芋圓就好，而且店員哥哥態度非常nice，見我抱住小朋友都熱心幫忙～

去葵廣掃街，除咗食野，梗係要飲野！果到真係好多好多飲品店，今次就試咗呢間九份 茶舍。鋪頭只有1個店員負責，落單同沖飲品一腳踢，所以等待時間比較長，無耐心嘅唔好揀呢間... 不過我覺得星期日中午其實可以搵多1-2個員工幫吓手🤔當日叫咗杯奶蓋白玉珍珠芒果四春茶，個茶底都清香，芒果味唔會搶咗茶味，奶蓋份量恰如其份... 再加埋粒粒白玉珍珠，解渴之選👍

童年回憶 ~ 葵涌廣場真係大家的童年回憶，以前一放學就來，而家越來越多好野食，每一條小巷都搵到美食點。見到九份茶舍，就想試吓，佢係一間夾台式飲品同台式糖水嘅店，呢度仲有深愛嘅芋圓。今次因爲食咗嘢先嚟幫襯，所以只係買咗水果茶嚟試。草莓水果茶，堅水果呀，茶底仲有d草莓粒粒，味道清清地，我點咗微甜，好飲！今次食完野飽飽地，冇叫人工手制粉圓，當中佢哋有得揀：地瓜圓、芋圓、紫薯圓及抹茶圓。客人也可以隨自己喜好配搭仙草或豆花！下次一定會試！店鋪企理，有好多不同的選擇，疫情關係，好miss台灣，試下台灣水果茶，止住喝先😍排隊唔算耐，下次會再encore!

👎🏻九份茶舍碳焙烏龍珍珠鮮奶茶 大 $33☁️一拎上手見個色好似西式奶茶咁白lai sai，心諗冇事既，茶不可貌相☁️一飲就知伏☁️佢學天仁咁鮮奶茶就多$5，平果隻就係奶精（同款同size係$28），但飲落都係奶精味☁️都算啦，碳焙烏龍個名咁犀利，但一啲碳同烏龍味都冇，津路烏龍茶都濃過佢 💆🏻‍♀️☁️珍珠明明抔上黎果陣用黑糖浸住，個色又啡啡地，拿應該有味啦，但食落😂 又硬又冇味，我都唔知講咩好☁️碳焙烏龍fail；珍珠fail；鮮奶茶fail。。。。。

今次係第二次幫襯💛上次叫咗個芋圓，今次就試吓佢嘅嘢飲！🥰-因為去嘅時侯禁緊晚市堂食，所以葵廣全部舖多人到不得了😫雖然要排隊，但佢地整得好快手，落單幾分鐘已經拎得！😛-黑糖珍奶嚟講29蚊杯係相當抵飲！仲要我地係叫咗大杯，中杯只需$26🙈-賣相都唔錯🥳黑糖瀑布個名改得好啱，真係有好多黑糖😂對我嚟講會太甜，蓋過咗啲奶味😢不過啲珍珠煮得啱啱好，好Q軟，有加返分🥰🥰🥰所以整體嚟講都好推薦大家試🙋🏻‍♀️

味道：⭐️⭐️⭐️⭐️葵涌廣場係小食店嘅集中地 飲品店當然多到數唔晒啦！識揀嘅大家 🎗梗係會去呢間就黎黃到變金嘅飲品店🖐🏻☝🏻 ❶四季春加配小芋圓🥤 （微甜）$23+5四季春帶著濃郁花香味 口感甘醇🍵配料小芋圓同平時飲開嘅珍珠大細都差唔多😗煙韌Q彈 個人認為比珍珠更有嚼勁 🦷比較鍾意咬嘢既朋友仔可能會好鍾意但略嫌芋頭味唔夠☹️Ps:旺角、葵芳、尖沙咀、沙田、深水埗、元朗、屯門、慈雲山都有分店🥰

🤡葵涌廣場可以話係中學時期既回憶，經常同朋友仔放學去買小食食，暢談一番。人大左，出左黎社會做野後，已經小左去葵廣掃街，同朋友亦都小見面，所以每次都會特別珍惜相聚既時刻。今日再黎好多鋪頭已經唔同左，走馬看花，但依然繁榮。💨海鹽芝士奶蓋黑糖珍珠四季春茶識飲一定要開蓋飲，試真啲奶蓋😈。咸香既芝士奶蓋配香醇既四季春茶底，加埋珍珠中和番個甜度。清清地，岩唔好甜既你。💨三重抹茶鮮奶即抹茶奶蓋、抹茶珍珠加鮮奶🍵🥛漸變既顏色好令😳略嫌抹茶味唔夠濃郁，偏奶。珍珠加番分，好彈牙。除左飲品，仲有甜品芋圓架😎😎😎

噚日(26-10-2020 Mon)重陽節補假,特登同老公去食不吐不快後,要買嘢飲,search返邊啲係黃店先,想搵茶理史但搵唔到,見到呢間,查吓,呢間都係黃店,就呢間啦.睇完menu,我諗咗好耐至決定到.我要$25.00嘅細碳焙烏龍珍珠奶茶,要黑糖珍珠呢個味道清淡,口感又滑,煙韌彈牙嘅黑糖珍珠唔太甜,唔錯.味道:5分老公要$35.00嘅驅芒人,係芒果乳酪白玉珍珠綠茶,不過白玉珍珠未返貨,”暴徒”就俾普通珍珠同寒天,老公就揀咗寒天.一飲就飲到芒果味,由於係乳酪,所以有少少酸味同比較嚡口,特別同得意.味道:4分

平日會到葵廣掃街，而家除咗開顏色地圖之外，第一時間就會衝左去食九份嘅芋圓，以前都仲有間好好食嘅，但係已經執咗。所以間唔中想念台灣滋味就會衝左去九份，有種食咗當去咗嘅感覺。呢間小店，小店員工黃到金，應該多多支持，好似佢張飛仔寫住「從不缺席」～仲有做啲優惠去支持其他黃店消費，之前憑其他黃店消費收據珍珠奶茶買一送一🥰實行you jump I jump, 當時小妹身上冇收據，但唔緊要正價都照懲罰。芋圓有芋頭、紫蕃薯同黃蕃薯三種，全部小妹都鍾意食，配埋紅豆同埋仙草簡直係絕配，仙草係用粉沖嗰隻較平時食嘅港式涼粉稀少少，都好味既，紅豆又稔又香，呢碗外賣糖水我小妹成日返單，仲有佢嘅珍珠奶茶都好好飲，好有茶味珠又唔太硬～不過唔記得影相葵廣有好多小店都值得幫襯，但千祈記得去九份啊哈哈