堅離地 7 PO (已結業)

Bob叔介绍完呢间《坚离地7PO》一直都好想试，今次生日一于去试下！餐厅装修好有土耳其气氛，座位唔算好多，但唔会迫。第一次食叫左最受欢迎既菜式，叫左蟹饼，芝士牛肉馅饼，烧墨鱼，中东串烧。蟹饼十分有惊喜，size大约一个拳头阔，成旧蟹饼都系纯蟹肉，蟹味浓，如果钟意食蟹既朋友一定要试。芝士牛肉馅饼，芝士味浓有拉丝，牛肉味香，但肉质有少少鞋，馅饼唔会因为芝士而变湿变淋。烧墨鱼就正正常常，冇咩特别，胜在够大只，肉质新鲜鲜甜结实，但我同男朋友本身好钟意食海鲜，所以我地都钟意。中东串烧就相对上性价比较低，份量少，当中羊肉较为出色，肉汁多，但个酱汁好食，点薄饼食一流。overall嚟讲几值得食，大部分价钱唔算好贵，而且用料新鲜，对得住价钱。