三郎麵燒屋 (已結業)

去完明爱医院探病之后，同男朋友喺附近食饭。见到佢地有个好靓好七彩嘅霓虹灯牌，畀佢吸引左，就入左呢间食。里面地方比较细，但就好新好干净。呢度主要系食车仔面同串烧，好特别嘅组合😂😂 然后望真d见到车仔面$23一碗，真系吓一跳，中学毕业之后都冇见过卖2字头一碗嘅面喇，除左大学canteen🙈男朋友叫左个咖哩猪皮肥牛腩汁幼面小辣加底($28)。虽则系加左底，但个量都真系大得几夸张。另外，佢个腩汁味道好浓，好惹味。面上面仲会有少少虾干，令到味道更丰富。我就叫左鱼皮饺花枝丸药膳汁乌冬($23)。我就冇加底，但佢都系比平时一般嘅量大。因为好少食面见有得拣药膳汁，所以就拣左黎试下，佢个味都浓，但唔油，所以感觉几养生。加$8就有冻饮，一般茶记有嘅呢度都有。大食嘅我地当然唔可以叫完两碗车仔面就算啦。我地仲叫左份烧原条蒜蓉茄子($24)，都系份量十足，而且肉质鲜甜，正!仲叫左三款串烧。牛油果牛肉卷($18)，第一次遇见呢个组合，觉得好有创意，而且食落都几好食，牛油果个味好似变左牛肉薯蓉咁，但口感一样好rich。真心几中意，有机会再试。黑椒牛柳粒($22)，味道比较甜。烧爽五花腩肉($18)，有甜甜嘅烧汁味，