源味甜品小食 (已結業)

中式糖水舖始终都系不会被新派甜品舖取代到架！太花巧都未必系好事，基本做得好先至系强盗。红磡曾经有一间好大间既糖水舖（机舖对面），外界多数都识得佢，但几年前系红磡开左呢档中式糖水舖后，真系每次想食中式糖水都系嚟呢度，平，足料，好味！佢真系好细间，得几个位，所以99%都系买外卖，今次堂食，叫左一碗姜汤蔴蓉汤圆，好好味，够姜，蔴蓉味够，皮软糯。另外叫左碗鲜芒果凉粉，好大碗啰。坐就真系好逼架喇，食完拿拿临走等下一轮客有得坐低食。