大埔煮廚

营业中

休息中

大埔街市重开左一排，梗系要带屋企人黎支持下良心店舖😙。其实重开之前都有帮衬过几次，质素都尚可，今次就介绍吓比大家。佢早餐嘅选择都算多，有面餐🍲、包餐🥪、扒餐🥩等等。我就点左炸鸡翼配沙嗲牛肉米粉两𩠌，附多士同热饮。多士🍞尚算迷你，中间搽咗好少牛油，烘过底都叫正正常常。鸡翼炸得非常香脆，但偏油，而且冇乜腌料食落较淡。沙嗲牛肉🐮咸香，沙嗲同花生味🥜都唔明显，牛肉就好淋又入味，不过牛肉味唔多。最钟意佢米粉够幼身，食落介乎粉丝同米粉之间🥢。整体来讲我觉得正正常常，以街市位置来讲非常方便，虽然唔系好高质素但经过都可以试下⭕️。