茶木‧台式休閒餐廳 (創紀之城五期(apm))

营业中

休息中

前排好多餐厅都做紧抗疫价推广，而茶木都唔例外，经过见到餐厅门口有个牌介绍鸡扒帆立贝拌面做紧买一送一优惠，而且仲有两杯饮品送，觉得好抵食，于是就同朋友入咗去。茶木嘅食物不嬲都唔差，台湾风味十足，而今次做推广嘅拌面仲有齐我最钟意食嘅盐酥鸡扒同埋帆立贝。我一上枱见到咁大块鸡扒就觉得好满足，绝对唔会因为做紧买一送一优惠而将货就价，鸡扒炸得干干脆脆，调味得啱啱好，阵阵盐酥香味传到鼻内，旁边仲有两大粒帆立贝同埋少少榨菜，加入拌面里面又有另一番风味。而拌面份量一啲都唔小，而且本身已经调好味，唔会出现捞唔匀酱汁嘅情况出现，我觉得个份量系正常，唔会太多或者太少。附送嘅嘢饮系热黑糖冬瓜茶，正正合我口味，甜味适中，亦带有黑糖嘅浓郁味道。整体来讲，呢个餐真系好抵食而且又好味，希望茶木会做多啲类似嘅推广，吸引多啲人去食啦。