桔梗 (已結業)

星期五约咗朋友一齐食饭，朋友话想一齐撑下良心小店。之前因为见评价都好坏参半。既然朋友想食就一齐试下啦同朋友叫咗个二人日式套餐，两个人就可以试多d野～炸鸡与酸甜五味酱：五味酱既味道好复杂，酸味居多。值得一提个炸鸡🍗好多汁，做到外脆内软。炙烤鲔鱼佐芥末蛋黄酱：会形容呢道系浓味既前菜，鲔鱼带微微烧过既焦香味，肉质比全生更加紧致，配上烧汁、蛋白酱进食，好惹味。小食三味：系有腌渍菜丝、萝卜、蚝。特别一提既系蚝肉肥美唔腥几鲜味。支豆就浓香蒜味十足！个餐有两碗茶渍饭。两碗都大同小异，但三文鱼个碗会更为突出。因为味道比较合适，无明太子咁咸。铿鱼汤+茶既好配合。香葱柠檬味噌烧腩肉：入口油脂十足，无想像中咁油腻，可能因为个柠檬酱油有一定酸度、同香葱一齐入口更加清爽。如果可以烧得再脆d就更好热炒鱿鱼🦑拌明太子酱。呢碟真系份量十足，烧过既鱿鱼弹牙又有烧烤既焦香味，如果配埋酒食更加出色。糖心蛋流心效果好，入口软绵绵。最后是日甜品最令我倾心：系大大份既抹茶盒子！朋友唔太好抹茶都赞个甜品质感好好，蛋糕式吸收咗抹茶汁🍵奶油+蛋糕+抹茶互相配合，入口唔会太甜又有浓厚既抹茶香，抹茶控一个人都清完！