一人燒肉屋

营业中

休息中

小朋友好钟意食烧肉，今日接小朋友放咗学经过荃湾，见到呢间餐厅有学生优惠，而且2:30至五点又有下午茶买套餐送嘢饮嘅优惠，再望吓个Menu价钱同内容都非常吸引，谂都冇谂就入咗去，结果真系有惊喜！话说着校服嘅学生可以拣送嘢饮或者送多一碟猪肉，仲要下午茶时间冇收加1，一个字抵！餐厅员工亲切友善，食物水准中上，牛肉猪肉新鲜有厚度，唔似连锁店咁薄到一张纸咁样，酱汁种类繁多，拍得住专业烧肉店。附送嘅桂花乌龙冷泡茶都好好饮好清新！加上装修光猛整洁。有员工过嚟介绍餐厅背景，知道餐厅系以社企形式营运，虽然背景资料唔系太过清楚，但系以餐厅提供嘅食物同服务感觉系一间良心嘅餐厅，希望继续做落去都系咁样！小朋友今日食得好开心，一粒饭都冇食剩，我就知道佢好钟意，一定会再嚟！