影片
更多
2021-08-02
7628 浏览
逸东轩✨连续五年荣获米芝莲一星！中菜厅自疫情就推岀左星级点心优惠及晚市七折优惠~ 当然要把握机会品尝下米芝莲一星！星期一至五午市，十五款巧手点心一律$38！中菜厅装潢雅致，寛敞舒适，枱同枱之间有一定距离，坐得几舒服，服务仲好好添。餐厅午市分左1100 1245 1430三个时段，限时90分钟。真系估唔到平日都咁full！1245就最快爆满，建议大家预早几日book位~⠀🍵茶芥 $28/位茶叶都几多款可以拣~ 铁观音生津回甘，不过龙丼就无平时饮开嘅咁好饮▪️脆皮流沙酥 $38一咬开超流心，流沙内馅超浓蛋黄味！美中不足系酥皮唔够香脆。▪️春风得意脆皮肠粉 $48每次饮茶必点！肠粉皮滑溜，中间嘅油炸鬼（定春卷?!）超脆唔油腻，仲有大大粒虾肉！口感层次丰富~▪️逸东小笼包 $48小笼包热辣辣，用上匙羹盛戴，咁就唔怕夹穿流走晒啲肉汁~ 小笼包外皮厚薄适中，尖端位唔会太厚。汤汁满满带肉嘅鲜甜，肉馅调味恰到好处，肉质偏软腍。爹哋妈咪就表示好啱口味好钟意！▪️带子蒸烧卖 $38烧卖足料，除左猪肉馅之外，有大大粒弹牙虾肉，虾味几突岀，不过就唔算特别鲜甜。面头嘅带子感觉上毫无升华嘅作用，质地亦唔算太嫩滑。嗯，正
中菜厅装潢雅致，寛敞舒适，枱同枱之间有一定距离，坐得几舒服，服务仲好好添。
餐厅午市分左1100 1245 1430三个时段，限时90分钟。真系估唔到平日都咁full！1245就最快爆满，建议大家预早几日book位~
⠀
🍵茶芥 $28/位
茶叶都几多款可以拣~ 铁观音生津回甘，不过龙丼就无平时饮开嘅咁好饮
▪️脆皮流沙酥 $38
一咬开超流心，流沙内馅超浓蛋黄味！美中不足系酥皮唔够香脆。
▪️春风得意脆皮肠粉 $48
每次饮茶必点！肠粉皮滑溜，中间嘅油炸鬼（定春卷?!）超脆唔油腻，仲有大大粒虾肉！口感层次丰富~
▪️逸东小笼包 $48
小笼包热辣辣，用上匙羹盛戴，咁就唔怕夹穿流走晒啲肉汁~ 小笼包外皮厚薄适中，尖端位唔会太厚。汤汁满满带肉嘅鲜甜，肉馅调味恰到好处，肉质偏软腍。爹哋妈咪就表示好啱口味好钟意！
▪️带子蒸烧卖 $38
烧卖足料，除左猪肉馅之外，有大大粒弹牙虾肉，虾味几突岀，不过就唔算特别鲜甜。面头嘅带子感觉上毫无升华嘅作用，质地亦唔算太嫩滑。嗯，正常好食嘅烧卖~
▪️蜂巢海鲜芋角 $38
蜂巢状嘅外皮，入口「咔嚓」相当酥脆，毫不油腻。满满软滑芋蓉，海鲜存在感反而唔系太高，只带咸香。不过芋头香气的确几突岀~
▪️金沙脆豆腐 $48
外皮香脆，但较为厚身。豆腐相当嫩滑！略嫌金沙味道偏淡，全靠小小咸蛋黄碎搭救。
▪️陈醋海蜇头 $118
真心全家都超钟意嘅一道！厚身嘅海蜇头爽脆滑嫩，加上陈醋、葱花 微辣开胃，调味啱啱好！(不过第二次去食 调味好似淡咗啲)
▪️脆皮烧腩仔 $198
烧腩仔顶层脆皮脆卜卜，皮下唔会太多脂肪。肥瘦相称，肉质软腍多汁，调味恰到好处，唔会过咸，食落又会太肥腻。整体嚟讲，点心味道的确唔错，$38一笼相当抵食！环境服务一流！唯独作为米芝莲一星，个人对于点心嘅味道、精致程度 会有更高嘅期望。不过有呢个点心优惠就绝对值得encore。(暂时做到8月31~)
张贴
