潮州人 (已搬遷) 新店位置

太子出名有好多好嘢食，有次经过一间好细嘅舖头，俾佢门口嘅有良心装饰吸引咗，而且我好钟意食花胶，对皮肤好啊嘛，咁就入去支持下啦。我哋两人叫咗一个花胶捞米，花雕醉鸡翼同蚝仔米，仲叫多咗支龙眼花旗参蜜饮。先讲鸡翼啦，都叫做醉得好够味，同时酒味又唔会过浓，做得都几唔错。龙眼花旗参蜜都做得几好，唔算太甜，甘甘地都几解渴。因为想试吓其他嘢所以嗌左蚝仔米，个汤清清地，啲蚝都几好食，正正常常啦。花胶捞米旧花胶好大旧，而且炆得好入味，每一啖都感受到满满嘅骨胶原，正呀，个汁酱都唔算太咸，用嚟捞米粉啱啱好，每一啖都将住个口，唔错唔错。不过其实价钱都唔算太平，我谂系因为小本经营，不过唔紧要啦，良心冇价呀嘛！