The Cool Cousins Cafe & Noodle Bar

营业中

休息中

小店经营，良心制作，虽然座位少少窄，价钱偏贵，但每个汉堡都好大份好足料，食完好饱好饱。btw记得去咗厕所先上去，骆驼漆大厦嘅厕所喺8楼，而且好污糟。*”IC” 水牛城炸鸡汉堡 $129转配花生酱枫糖蕃薯条 (+$20)炸鸡用法国春鸡鸡脾扒，外皮脆、唔易腍，但肉质少少干，鸡肉味比较淡。满满嘅自制水牛城酱汁，香辣又惹味，配甜甜嘅云呢拿雪糕+枫糖。配搭一甜一辣，一冻一热，非常特别又fat fat。汉堡包用牛油煎香煎脆，而且甜甜地，可以完美将炸鸡同雪糕融合。因为雪糕嚟到已经半融状态，加上炸鸡好热。要食得好快。蕃薯条幼身，未算好脆，花生酱+枫糖淋满蕃薯条，又甜又浓又香，系好American嘅味道。烤大啡菇黑松露芝士牛肉汉堡 $117黑松露芝士 (+$10)汉堡包同炸鸡汉堡一样都系甜甜嘅，黒松露芝士酱淋上美国安格斯汉堡扒，仲有大啡菇、紫红洋葱、番茄、羽衣甘蓝。虽然我冇食到，但朋友话牛肉少少干，比较普通。薯条同样幼身，未算好脆，芝士味比较淡，黑松露味亦唔会太过难以接受。*包饮品 冷萃冰茶冻冰冰，无糖又香茶味，而且好大杯。