Outdark (飛達商業中心)

营业中

休息中

认识 outdark 系因为同事话果到有口罩派俾顾客，虽然我去当日已经无晒货，但仍然好欣赏佢地，希望帮到更多有需要的人。晚市 full house, 疫情横行下，仲能够见到咁既场面，好难得。亦证明呢间食店应该好掂。热闹的气氛下，听住 K-pop 望住满天星星，等食亦可以好浪漫。辣炒猪肉 $268今晚想食辣辣地，惹味的，叫左个辣炒猪肉。细食的我们 ，一个 dish 已经足够。韩烧炉上，大格小格有齐主菜、小食同饭，好有韩国风味。辣炒猪肉，用上韩式甜辣酱调味，加入好多洋葱、青葱同芝麻一齐炒，份外惹味。大量芽菜垫底，吸收了甜辣酱，好好食，亦相对冇咁油腻。围边小食当中最吸晴最邪恶的，莫过于系粟米芝士酱，影张指定动作先。而另一边有加入了紫菜碎同芝麻油的白饭，火炉加热后真心香。好快清晒，份量略为不足，可以加饭吗？前菜仲有泡菜同菠萝粒，泡菜味道一般，而菠萝粒就几清甜。蜂蜜米酒 $125每次去韩国都必饮的自家酿米酒，原来呢到都有，用大砵上，即时觉得自己去左首尔。韩国马格利酒，入口顺滑，甜甜地又米味十足，酒味不算浓，唔觉唔觉饮好多。简简单单已经好好味，难怪咁多人捧场。