35座車仔麵 (已結業)

一向唔太钟意食车仔面，因为成日都食我唔饱😅，所以 35 座车仔面虽然非常近我屋企，亦都非常出名，但系一路都的唔起心肝去帮衬。直至旧年年底佢畀人恶意破坏，同仇敌忾，于是走去作出惩罚。我知唔少人都赞呢度嘅猪大肠同南乳猪手好食，可惜我两样嘢都唔好，加上亦唔钟意食猪红，牛筋等传统车仔面𩠌菜，所以只拣咗鱼皮饺，五香牛肚，台式风味肠，鲜虾腐皮卷等 “小朋友食物”，本来仲想叫蚝皇小花菇，秘制辣鱿鱼两样名物，但系落 order 时已经卖晒。四样𩠌中最正系五香牛肚，非常入味，又有咬口，份量亦算多；其余三样𩠌都系现成来货，味道不俗，加埋汤底入面嘅腩汁，成碗面质素其实颇高。小店另一名物系张收据，每张都印上振奋人心嘅字句，例如 “希望黑暗嘅尽头会是光明”，，“盼自由归于这里”，“ 同行儿女为正义 时代革命”等，算是对食客一点心灵的慰藉。