放牛牛 (已結業)

爱丽丝系雪糕迷😍 之前系网上见到放牛牛呢间雪糕店，就俾渐变色既雪糕筒吸引左，所以一直都好想去试，呢一日就同朋友去品尝下喇🍦爱丽丝点左个风牛牛😂 即系薰衣草雪糕配菠萝粒，雪糕上插左一块waffle同一片菊花装饰，而雪糕筒系粉红色渐变，成个感觉好tropical😍 首先，雪糕好滑，薰衣草味都算浓，不过个人认为配菠萝有啲怪😂 但味道系还好既。不过块waffle就淋既，唔系平时食开少少带脆既waffle。至于个雪糕筒虽然好靓，但这比较厚身，亦唔会有特别既味道。其实爱丽丝平时都唔中意食雪糕筒，今次只系贪个筒靓😂 而朋友就点左水牛牛😂 系海盐雪糕，雪糕顶插上一块透明蓝既脆片，系波子汽水味既，而雪糕筒就系黑色，中间带一个蓝色圆圈。先试雪糕，爱丽丝就觉得海盐味唔重，好似牛奶雪糕，不过个雪糕筒就系oreo味既，味道比风牛牛会吸引啲。至于块波子汽水脆片，味道都几得意，不过会有啲痴牙。总括，放牛牛既雪糕卖相吸引，不过就唔可以抱太大期望，其实雪糕本身系好食既，但其他配件就普通喇～