影片
更多
2014-02-09
1756 浏览
假日期间,同朋友一齐去长洲行山,仲食尽出名的芒果糯米糍,炸薯片,红豆饼,当然仲有海鲜唔小得啦 食完海鲜后其实都几饱,都有谂过直接坐船走但听讲呢间甜品店系长洲几出名,所以都说服左朋友黎呢度食埋甜品先走我地大约8点到,可能时间尚早,里面仲有空位唔驶等入到店里望下menu,决定叫4份甜品,我地5个男仔share啦 第一道甜品黎之前,我见店员熄左店内既灯....我心谂,间店黑d系几有情调,但熄哂灯咪咩都睇唔到....跟住店员拎左火焰雪山过黎,我先知熄灯系为左想我地睇得更加清楚雪山上既"蓝火"讲真,我份人几实际,对gimmick野唔太著重,最重要都系味道系点火焰雪山上面既蛋白泡就无咩味道,仲有余温,而底下系冷冻既朱古力雪糕,一冷一热效果几好,再加上几浓既冧酒味衬托下,我自己就好钟意,诚意推介 第二道甜品系心太软,呢道甜品差唔多间间甜品铺都有,好容易有比较呢度既心太软相对上较普通,个心系流基本上做到,但个朱古力汁唔太浓郁,作为朱古力迷既我有小小失望,如果可以再拣既话,我谂我地会叫第二d试第三道系另一经曲甜品疏乎里,利益申报,本人食过几次疏乎里,就唔太钟意呢个甜品,所以都无咩期待今次我地叫左柠
食完海鲜后其实都几饱,都有谂过直接坐船走
但听讲呢间甜品店系长洲几出名,所以都说服左朋友黎呢度食埋甜品先走
我地大约8点到,可能时间尚早,里面仲有空位唔驶等
入到店里望下menu,决定叫4份甜品,我地5个男仔share啦
第一道甜品黎之前,我见店员熄左店内既灯....我心谂,间店黑d系几有情调,但熄哂灯咪咩都睇唔到....
跟住店员拎左火焰雪山过黎,我先知熄灯系为左想我地睇得更加清楚雪山上既"蓝火"
讲真,我份人几实际,对gimmick野唔太著重,最重要都系味道系点火焰雪山上面既蛋白泡就无咩味道,仲有余温,而底下系冷冻既朱古力雪糕,一冷一热效果几好,再加上几浓既冧酒味衬托下,我自己就好钟意,诚意推介
第二道甜品系心太软,呢道甜品差唔多间间甜品铺都有,好容易有比较
呢度既心太软相对上较普通,个心系流基本上做到,但个朱古力汁唔太浓郁,作为朱古力迷既我有小小失望,如果可以再拣既话,我谂我地会叫第二d试第三道系另一经曲甜品疏乎里,利益申报,本人食过几次疏乎里,就唔太钟意呢个甜品,所以都无咩期待
今次我地叫左柠檬味,哗,不得不提,个柠檬味真系超香....香成咁,应该都系香精作怪 味道呢....一如所料,咩味都无,基本上就系食泡....不过我觉得唔关间铺头事,系疏乎里呢道甜品本身既问题,都唔明点解会有人钟意食
最后既甜品系我最最最期待既apple crumble,我系超钟意苹果批之类既甜品
呢度既apple crumble我几收货,热腾腾既批加上酸酸地带点清甜既苹果粒,再点上碟旁vanilla ice cream食,我觉得好满足 我偏好较爽脆既苹果粒,唔钟意太淋,但呢度既苹果粒又未免太硬,呢点要改善
整体黎讲我觉得师妹甜品做得唔错,但又未算好出色,如果系长洲食完海鲜后仲有小小口痕,都几适合黎呢度!
张贴
