寬巷子 (已結業)

花痴🌹必食嘅三层架火锅下午茶「百艳茶宴」，摆盘精致，牛肉猪肉连生菜都砌成花形状，伴碟装饰亦系用花，打卡📷都打都手软。汤底有辣有唔辣，我哋拣咗个辣（元珠小染），其实都只系微辣。店员好细心咁同我哋讲解食物嘅煮法，务求我哋品尝到最美味嘅食物。三层架顶层系综合肉类盛合，全部以玫瑰花造型出场，有澳洲和牛牛舌花、牛胸油花及松板枝香(猪肉），肉质薄身，软熟味浓。中层有怀旧台式月饼糕、糖葫芦、墨条牛轧、凤梨酥及菠菠糖，全部都系师傅巧妙地混合多种食材制造而成嘅创意食品。最底层就系杂锦蔬菜，有香菇、粟米、舞茸、生菜、西兰花、灯笼椒、秋葵等，够晒新鲜！食饱最好系饮返杯玫瑰高山清茶，食埋甜品凤梨蛋糕（盈月照宝盒）就满足哂😋😋。