楊記麻辣魚館 (新填地街)

营业中

休息中

本身就系一个辣妹🌶🌶🌶嘅我喺香港不断寻找四川嘅美食 呢一间位于旺角朗豪坊附近嘅四川店真系令我值得非常惊喜 暂时已经系我心目中嘅No.1川菜首选💯呢间麻辣烤鱼真系暂时我食过最丰盛最多配料嘅一间 本身里便已经附带有千张豆皮芽菜豆腐魔芋 另外佢仲有五至六款配料俾你自选再加入去 我就拣咗最吸汤汁味嘅莴笋同埋苕粉 烤鱼本身已经炸得非常脆口但系鱼肉亦都可以保持非常嫩滑 而且份量超级大 我哋五个人食最后条鱼都仲食净少少 另外小炒牛肉对于芫荽爱好者真系唔可以错过 牛肉本身走过油所以口感有升华 不过对于芫荽好反感嘅我🤢都俾佢外表吸引咗尝试左两旧牛肉的确系几好味牛肉 川北凉粉今次变咗粗条 问返侍应姐姐佢话因为厨房师傅唔见咗个刨凉粉仪器 所以今次暂时系用手切先 因为之前我食过一次系长条型比较幼身啲嘅 所以我自己个人就比较钟意幼身𠮶款嘅口感 但系味道依然不变嘅系一款好好嘅开胃菜酸酸辣辣的😍另外叫咗个干锅肥肠 肥肠因为有热锅上变得更加香口脆口 配埋啤酒真系一流🍻🍺👍🏻💡温馨提示呢间嘅辣到相当足够所以建议唔系太食得辣嘅人最好叫少少辣就已经够啦👻👻