六小館

放假入黎东荟城shopping，买到攰当然要补充体力。经过呢间中菜馆觉得装修几雅致，而且见门外有唔少推广套餐优惠套餐，几吸引咁。推广涵盖左午市同晚市，午市和晚市都有提供2人和四人66折套餐，晚市仲有$66.8加购优惠。我地拣左皇牌2人晚市套餐，前菜、汤翅、主菜、主食、甜品、饮品样样齐，相当吸引。前菜系小馆前菜三小品，顾名思义有三小碟前菜，其中我觉得最特别嘅系冷泡冰梅铁棍淮山，好少前菜会用淮山，而淮山配搭酸梅，甜甜酸酸的非常开胃！另外嘅凉拌椒香棒棒豆干都好好食，豆干丝配上萝卜丝和青瓜丝，食落有小小麻辣，非常惹味。汤品有极品煲仔金汤烧鲍翅，原来职员会喺你面前用火即席煲滚。烧鲍翅热辣辣食真系好正，而且里面有大大块嘅鱼翅，真系真材实料！主菜有巴蜀烧纽西兰顶级羊䯃架，羊架配上孜然、芝麻等香料，烧得鲜嫩多汁，唔觉有膻味。另一道主菜系私房鲍鱼虾干小炒王。呢度嘅小炒王非常足料，除咗常见嘅腰果、虾干外，呢度嘅小炒王竟然有齐鲍鱼、带子等海鲜，而且海鲜份量唔少，韭菜花亦索哂海鲜的精华，变得鲜甜无比！ 同行朋友对呢度菜赞口不绝！主食有六小馆烩饭，表面看似平平无奇，原来内有干坤！大大粒嘅蚝，入口鲜嫩多汁。烩饭仲