影片
更多
2015-05-07
873 浏览
五月，法國五月，一定要過得法式啲！唔少得食返餐法國菜，要食就要食好啲，就試下依間法式私房菜。一入餐廳，就有隻火腿等緊我，轉角仲有個生蠔吧。餐廳細細，燈光同佈置都好浪漫，食法國菜，情調好重要，環境好，心情都靚d。除左環境靚，招呼我地嘅老闆都好靚仔，真係百看不厭！哈哈！食法國菜，一定要有法國生蠔先美滿，所以叫左半打蠔，星期三 oyster night $188半打，抵過好多餐廳，而且蠔嘅質素都好好。法國KYS Marine，夠大隻，海水味適中，推介！仲試左超大隻嘅美國Pacific Rock，好肥美，味道較淡。$188半打咁大隻嘅蠔真係好抵！食完蠔就開始食前菜。Starter: 1) 黑松露魚子，香草鮮蝦配意大利什菜蛋餅魚子粒粒分明，加上金箔，上碟好精美！蝦肉爽口，蛋餅彈牙，睇得又食得！2) 波士頓龍蝦配鮮雜苺他他賣相高貴，龍蝦新鮮，雜苺鮮甜。我好欣賞隻波浪紋嘅碟，簡單得黎好靚！Entree: 香煎法國鵝肝配瑪沙娜酒燴菠蘿脆餅鵝肝面有鹽同黑椒，外脆內軟，配甜甜嘅菠蘿粒，食落無咁膩。Soup: 鮮露旬忌廉濃湯配香煎日本剌身帶子老闆親自將湯倒落碟，露旬忌廉濃湯清清地，幾香滑。Main Cour
五月，法國五月，一定要過得法式啲！唔少得食返餐法國菜，要食就要食好啲，就試下依間法式私房菜。
一入餐廳，就有隻火腿等緊我，轉角仲有個生蠔吧。餐廳細細，燈光同佈置都好浪漫，食法國菜，情調好重要，環境好，心情都靚d。
除左環境靚，招呼我地嘅老闆都好靚仔，真係百看不厭！哈哈！
食法國菜，一定要有法國生蠔先美滿，所以叫左半打蠔，星期三 oyster night $188半打，抵過好多餐廳，而且蠔嘅質素都好好。法國KYS Marine，夠大隻，海水味適中，推介！
仲試左超大隻嘅美國Pacific Rock，好肥美，味道較淡。$188半打咁大隻嘅蠔真係好抵！
食完蠔就開始食前菜。
Starter:
1) 黑松露魚子，香草鮮蝦配意大利什菜蛋餅
魚子粒粒分明，加上金箔，上碟好精美！蝦肉爽口，蛋餅彈牙，睇得又食得！
2) 波士頓龍蝦配鮮雜苺他他
賣相高貴，龍蝦新鮮，雜苺鮮甜。我好欣賞隻波浪紋嘅碟，簡單得黎好靚！
Entree:
香煎法國鵝肝配瑪沙娜酒燴菠蘿脆餅
鵝肝面有鹽同黑椒，外脆內軟，配甜甜嘅菠蘿粒，食落無咁膩。
Soup: 鮮露旬忌廉濃湯配香煎日本剌身帶子
老闆親自將湯倒落碟，露旬忌廉濃湯清清地，幾香滑。
Main Course:
1) 保雲蘇焗澳洲羊扒
羊扒焗得啱啱好，夠嫩口，少少脂肪，正！
2) 海鮮墨汁意大利飯
海鮮放喺碟邊，好特別。材料新鮮，個墨汁意大利飯好香濃，軟硬適中。
食飽飽有杯玫瑰花茶消下濟，好香，個杯又靚。
最後上埋甜品，似奶凍但原來係creme brûlée ，好滑，有蛋香，不過我都係鍾意傳統嘅creme brûlée 多d。
就咁就食左三個鐘，好欣賞廚師每道菜都設計得好靚，而且食材新鮮兼煮得好食。老闆亦都招呼周到。價錢係貴，但係法國菜黎講好合理。我嘅法國五月，有一個好嘅開始！
张贴
