彩翠軒酒家

营业中

休息中

去完大角咀公园玩，途经奥柏御峰见到有间街坊酒楼喺度，就入去医一医肚，食饱再继续出去玩😳😳可能今日我地玩得太晏，临落场先未到，所以食客就唔算多，但员工亦都好Nice好亲切咁接待我哋。同事喺门口亦都见到佢哋好似大使推广紧一个活动，我亦都比呢张Menu吸引咗，叫左其中一个豉油王海虾黎食。意想不到嘅系！一碟嘅份量足足有成一斤海虾，而且价钱只系$108，仲包左杯纯米原酒，酒楼姐姐都话近排有好多后生仔过嚟食呢个set😂海虾非常入味，如果你系用手剥虾黎食嘅话，我只可以同你讲你嘥咗呢碟菜，因为豉油王嘅香气喺晒虾壳上面，要逐只逐只咁啜先食到呢碟菜嘅精髓😀海虾亦够新鲜，肉质爽口，唔黐壳，我比8/10分。送嘅纯米原酒够晒冻，米香酒气十足，好似有成15%酒精，食虾嘅时候饮返啖会平衡返鼓油嘅咸味。