茶木‧台式休閒餐廳 (已結業)

今日相约朋友庆祝生日，本想食个high tea，但系适逢复活节假期必定无位，所以就提议试试极具人气既茶木喇!  因朋友要从观塘去尖沙咀需时，所以我先去攞飞等位，我2:30到达攞飞，只系等12张，唔算夸张，所以一路等朋友黎一路等位~等左20分钟左右就到我，但要人齐先入得，朋友又未到所以要继续等! 终于等到朋友到喇，order完之后好快就有饮品送到~饮品方面拣左综合水果茶、热水果花茶，橙汁底既综合水果茶，虽然名字系茶，但唔觉有茶味，只系有橙汁味，当橙汁饮的话味道不错~而热水果花茶，我无饮到，据朋友话茶里无水果味，加入糖桨先有味道，可要求再加茶。食物方面叫左红烧牛肉面同草莓香草蜜糖砖块。红烧牛肉面 - 先饮一啖汤，超级香浓! 牛肉十分稔而且唔痴牙，有种入口即溶既感觉! 红萝卜同白萝卜好入味，面条亦算烟靭弹牙。绝对是惊喜之作! 另外，当然要试试名物蓝莓香草蜜糖砖块，雪糕配上涂上蜜糖既多士，有d硬，下层多士因无蜜糖，比较干，要点雪糕先松软返。份量算大，适合3-4人食，我地两个女仔差唔多食净半个，不过味道尚算不错~ 总括而言，食物味道比饮品好，与咖啡弄比，应该会系茶木更胜一筹! 下次仲会继续黎~