壹玖捌叁

营业中

休息中

而家无论系年轻人定老人家，食中菜又要好食又要靓，要求认真高，今日我就带咗佢哋黎跑马地呢间中菜厅，因为呢度出名环境靓而且又好食，啱晒我哋一班钟意手机食先嘅人，一入到大门楼梯，姨妈姑姐已经不断同啲摆设合照。我地头盘叫左香葱油海蜇花，同海皇酸辣羹，海蜇够晒爽口；酸辣羹超多料，好好味，系我饮过咁多酸辣汤之中最好饮嘅一碗，好多海鲜，酸辣汤迷必点。原条龙船豉汁方利球色香味俱全，姿态栩栩如生，净系影相都影左好耐，一食落鲜甜又弹牙。蟹肉芙蓉烩明珠清清地，岩晒老人家同小朋友捞饭食。鲍汁玉掌扣五头汤鲍超低食，$188每人一份够晒豪华！最后食埋个个椰汁炖燕窝，燕窝料好多，想再叫多碗！今晚全家都好满足，下次会再嚟！