韓閣 (已搬遷) 新店位置

「韩阁」位于荃湾美食集中地，但门面装潢同食物相片都几吸睛，引到唔少人帮衬。周末午市时间需要等位，可以用app拎定位，咁就悭返啲等位时间！室内座位唔少，但略嫌坐得逼，要同其他客搭抬食饭。渍物系送既，但都系唔岩我食既，如果可以系泡菜就好.....牛肉石锅饭（$52）一上台要即刻捞，用石锅煎返熟只生蛋，「滋滋」声好疗愈。牛肉份量唔少，不过有啲韧；记得要落精髓－－辣酱。甜鸡肉韩式粉丝（$52）十分香！又大份！食完一啖再食返石锅饭已经冇咩味......椰菜爽口、粉丝香、鸡肉又甜又嫩，真系食到停唔到口。不过食完面层后，下面净返一层油浸粉丝，实在太腻又唔健康，唯有食净。