上海姥姥 (已結業)

𠮶日难得可以同屋企人一齐食个午餐，去咗上海姥姥试吓佢新𠮶个新年Menu。作为饿底嘅我，好多嘢都钟意食，特别系鱼😁所以见到佢有酸菜鱼好兴奋，再加上以为佢份量应该唔会太多，所以就成版咁叫晒，职员呆左一下😂近排天气冻左试咗佢杯红枣雪梨茶，两粒大大粒嘅去核红枣加埋两旧仔雪梨，又真系几好饮㖞，唔会太甜而且温粒粒，饮完好舒服😌20分钟唔够嘢食上齐，饿底开餐喇！先食小笼包：皮薄多汤汁，带子甜甜地加埋少少XO酱味，冇一般嘅猪肉馅小笼包咁油腻，好特别好味好味👍🏻👍🏻👍🏻金汤全家福：（影唔到嘅里面其实好多菜同埋粉丝）食菜先，啲菜同粉丝吸晒啲汤底好甜👍🏻海参软绵绵（但手指咁长嘅海参切左四件，我有啲嫌佢太细粒），蛋饺皮薄多肉，炸猪肉丸都好味😋我最期待嘅酸菜鱼： 好正，啲鱼好滑够厚身又冇咩骨，粉丝都索左汤底嘅酸味同麻辣味，停唔到口。不过我觉得可以再辣啲，可能因为过年菜要老少咸宜嘅关系啦。八宝饭：我未食过八宝饭架😌佢个面啲汁打得好靓，加埋啲桂花喺度好似玻璃咁。材料好足，红豆好棉好甜👍🏻整体：好食。而且职员见我哋停晒手，主动过嚟问我地要唔要打包👍🏻晚餐有着落唔使烦✌🏿饿底是这样练成的。