景逸軒 (已結業)

又到星期日，家庭日既大日子妈妈话好耐无食中菜，于是乎今次就拣左尖东既一间酒楼~脆皮烫手乳猪(半只) $338老豆话要食乳猪，咁耐先食一次，无所谓啦，好在只猪又唔肥wor，皮烧到十分脆，脂肪层薄薄的，食多都唔会好漏苹果大虾球 $120爽弹既炸大虾配上爽脆香甜既苹果，中菜之中好少见，十分清新既一道菜色！虫草花野菌蒸比目鱼 $128一客有两件，份量很多，鱼质不是想像中的滑嫩有点失望浓汤桃胶浸菜芯 $88近期好兴煮既桃胶，系呢度有得食，妈妈即刻话要试下琥珀如意玉带 $168带子味道甜美，蜜糖炸合桃十分香脆，整味菜配搭得宜黑蒜双葱海参豚肉 $148另一妈妈最爱菜色，甘甜既黑蒜，胶质丰富既海参，爽口既豚肉，健康惹味之选！芝士焗大虎虾天使面 $238芝士汁略嫌不够芝士，食落只是忌廉白汁味，大虎虾有六只之多，肥美肉爽，抵食之选！吕宋芒果布甸 $25最后当然不少得饭后甜品，本想试椰皇炖奶，但卖哂无得食，建议一入座先order，后上。后来点了两份芒果布甸，原来一份有三件咁多架，仲系鱼仔造型，十分可爱！