薄餅博士

营业中

休息中

一大班人开party， 当然唔少得pizza呢样食物， 因为佢又砌得好多块可以分比好多人， 而且佢系用面粉做底相对容易食得饱， 最重要系pizza系好味好多人都钟意食。因为budget有限， 就试下呢间比较经济实惠嘅pizza。 圣诞节下， 两个大批有芝心， 再包一个粉一个饭， 一盒大嘅小食拼盘， 仲有鸡粒薯角同埋忌廉鸡汤， 都系大约四百蚊， 喺节日下可以画为大家悭返唔少荷包。一个系夏威夷味pizza一个系辣味肉粒沙拉美肠pizza， 两个都做得好正路， 拍得住另一间大牌子嘅pizza店。 最紧要系送到嚟仲系热辣辣， 仲见到有烟出紧嘅， 食都食得特别畅快。 其他小食拼盘同埋饭就普通货色， 入到口可以塞饱你个肚， 都叫做满足到口腹之欲。Budget有限嘅不妨嚟试一试。