木子甜品 (已結業)

芋圆近年系香港越嚟越受欢迎，可惜可以食到既地方始终唔多，而且重点系大多都系唔好食，木子系算最早期有芋圆糖水食既甜品店，以前成日去食，但大半年前觉得佢质素下降左好多就好少去食，今次经过试左不如再试试佢，哗，水质回复返以前既水平，非常满足既一次芋圆糖水^_^豆腐雪泥芋圆$24：豆腐雪泥其实等于冰感重既雪糕，食落当然唔好期待佢好香好滑，当系平衡一下芋圆既漏都唔错，豆腐味好淡差唔多食唔出咁济，不过唔紧要因为呢个都唔系重点，红豆汤一如以往唔会见到红豆，食左成碗好似食到一两啖有红豆，汤反而比以往甜多左，都系果句，芋圆先系重点芋圆量都唔算太少，有细粒同大粒，无论细粒同大粒同样做到非常烟韧同弹牙，煮既时间掌握得好好，呢种韧度完全系令人欲罢不能好想疯狂咬哈哈哈！揾返系台湾食芋圆果种感动!!!!!!!呢到另一个最吸引我既地方系佢既大粒芋圆，有芋泥同蕃薯泥做饀，真系始终得呢到先有得食饀味道唔太浓但质感绵绵的，同烟韧口感产生令人幸福既化学作用呜呀~~~~~~~重燃我对呢到既爱