芋圓一

营业中

休息中

系西环食完晚饭就四围逛下，行行下突然想食糖水，就拣咗间食芋圆嘅糖水舖试下，初初以为得门口几个户外位，原来楼上阁楼都有座位，糖水款式吾算好多，另外仲有特色小食同糯米糍。桂花仙草芋圆 用料确实几丰富，而且色彩鲜艳夺目，有芋圆、番薯圆、紫薯圆、仙草、薏米、白玉等等，芋圆烟韧有咬口，仙草入口软滑，淡淡桂花香气在口腔中徘徊，另外加配咗芒果粒。椰汁雪燕窝芋圆未食已感觉到椰汁味会好浓郁，入口果然无令人失望，椰香味十足，雪燕窝都几多，每啖都食得到，仲有明珠同三色芋圆，口感烟烟韧韧、富嚼劲，另外加配咗桃胶，桃胶大大粒，处理得都好干净。