糖宮甜品專門店 (積信街)

营业中

休息中

有楼上楼下，我哋坐楼下，座位都好阔，餐牌有好多选择，可惜我叫嘅雪花冰同芋圆都唔好食，有朋友话心太软好食，可能烤焗类好食啲呱。*杨枝甘露雪花冰 $48雪花冰系芒果味，质感绵密，但太甜，而且系假芒果甜味，旁边有啲柚子肉，酸到不行不行，芒果粒好甜好食，不过果肉量唔多，48蚊一个雪花冰系少失望🥲佛系芋圆 (冻) $38撇除芋圆嘅样，卖相有100分，芋圆嚟讲，你一见到最外层系透透地明嘅，你就知大镬，一定系冇芋头番薯味，然后又得个韧字，果然BINGO! 真系冇味又韧到好似橡筋咁。小丸子腍啤啤，0口感可言，相反，红豆就唔够腍，唔够绵。底系凉粉，量多但好普通，所有野捞少少咁食都好一般，非常唔推荐。