莆田 (美麗華廣場2期) (已結業)

喺美丽华商场行吓行吓，见到有宣传呢间米之莲餐厅，见到价钱又合理，就同朋友两个人一齐入咗去食。酥炒芋芯呢道菜系我同朋友最钟意食嘅，芋头香口，外层系有少少脆甜，入面嘅芋头好绵质，下次黎食都要嗌多一次。百秒黄花鱼黄花鱼好鲜甜，冇好多嘅酱汁，仲保持左个鲜味同食到鱼嫩滑，好啱钟意食鱼嘅朋友。兴化炒米粉而家越来越少餐厅提供呢款咁幼细嘅米粉，难得喺呢度食到，呢碟𩠌可以见到厨师哥哥嘅工夫，炒米粉唔会黐底唔会变得一嚿嚿，仲系每条分明，味道唔会太干。$188/2款去到见到而家做紧优惠$188有两款𩠌，任拣，正正。九层塔香焖海蛎未食就闻到好重嘅九层塔味，见到个煲入边都真系有唔少嘅九层塔，海蛎系呢间铺最出名嘅食物，而呢个配搭令到海蛎全部都充满九层塔嘅味道。江口家乡汤海蛎食完炒嘅嘢，就特登拣一个有汤水嘅食物。呢个汤水味道特别，有海蛎，蕃茄，菜等，系有海蛎嘅鲜味。