泰芒了 (已結業)

由于我选择了加大杯装，所以呢杯野份量十分惊人，等于1.5杯大杯台式饮品咁多，基本上饮完食完一定饱。先讲讲佢嘅整体结构，最上面系四大块厚切嘅芒果肉，新鲜香甜，食落啖啖肉又无渣，果肉包围住中间系一堆芒果味嘅棉花冰，幼细易入口，饮落小小系一层传统蛋糕嘅cream，顺滑带有微微甜味，最好就系捞埋下面嘅芒果汁一齐食，咁样会冇咁腻。最后，芒果汁算系好甜，虽然当中饮得出唔系100%芒果鲜榨，但都算系原汁原味架啦。以一杯饮品或者一个甜品来讲系好足料，如果系特别喜欢芒嘅人绝对值得一试。