許留山 (已結業)

今日同男朋友去左旺角睇戏，睇完戏行下街之后念住返屋企。咁岩经过许留山，就比佢门口橱窗个大大个芒果布甸深深咁吸引左我啦。原来大大个既芒果布甸只限外卖，不设堂食。咁都无所谓，反正我都系打算买返去食。外卖会跟一碗仔既花奶同几支胶餐具，一d都唔马虎。建议买返屋企最好雪一阵先食，芒果布甸始终冻冰冰先正。面头仲舖左几旧芒果。芒果食得出系新鲜芒果，劲好食又甜。加d花奶又另一番风味。咁大个芒果布甸都系65蚊。一个字，抵！