Mango X'press (已結業)

同朋友们0系尖沙咀晚饭过后，未够满足，又想见多阵，指定动作一定系食糖水。0系街头行行下，我地都被一间橙色小店吸引到目光。呢间系外卖甜品店，以芒果做主打，所以装饰以橙色为主好吸引人，门口仲有两只大大只芒果公仔添。我地一行人叫左几样野食，当中最惊喜系芒果绵绵冰同珍珠奶茶豆腐花。《芒果绵绵冰》绵绵冰飞碟形，非常大份，有好多配料如椰果同小丸子。芒果肉好新鲜香甜，不愧系主打。绵绵冰好薄好幼滑，冰凉又有芒果味，好消暑。而配料中既小丸子都好特别，唔系一般好弹牙果种，系软绵绵又甜甜既，好有口感。《珍珠奶茶豆腐花》豆腐花系佢地芒果以外既另一主打，口味绝对有违传统。豆腐花本身制作时已有奶茶成份，食落有豆腐味亦有奶茶味，好特别。酱汁唔系传统糖水，而系珍珠奶茶，好有心思。原来软滑既豆腐花配弹牙既珍珠奶茶，又几好口感的。两样唔关事既野摆堆一齐又好夹，不得不佩服佢地既创意。野饮方面都唔错，但无咩特别。店主既创意，同新鲜既食材，价钱亦唔算贵，尖沙咀街头又有新选择了。