泰灜

营业中

休息中

𠮶日生日朋友带咗我哋呢度庆祝，估唔到有个大大嘅玫瑰形状芒果糯米饭。无啦啦播生日歌，店员攞住个蛋糕走出嚟，搞吓气氛仲一齐唱歌，成个场面好搞笑好开心。芒果糯米饭好好味，睇得又食得，芒果鲜甜，而且糯米饭都几软熟。呢度嘅食物质素都唔错，我哋要咗好多嘢食，蟹肉煎蛋、海南鸡、椰汁鸡汤、蒜蓉炒芥兰、马拉盏炒杂菜等等等。我就最钟意蟹肉煎蛋同埋椰汁鸡汤，煎煎蛋煎得好脆，而且食落一啲都唔油。椰汁鸡汤嘅椰味好出所以饮落淡淡香气。主食方面更加正，估唔到有咁多款式可以拣。我哋谂咗好耐，要咗金边粉、干炒猪河同埋一个虾膏腊肠炒饭。份量真系好夸张，平时出去食泰国嘢都冇见咁多，而且价钱亲民真系性价比高。呢三款嘅话我就最推金边粉，面条软熟到啱啱好而且加埋隔离嘅配菜真系口感丰富。除此之外，呢度都有唔少炸物同埋小食，我哋样样叫咗少少，因为贪心又想试哈哈哈。鸡枣同春卷都有四件，几脆身同埋馅料多。炭烧猪颈肉难得感觉唔肥，鸡翼嫩滑多汁，三只唔够食，要再叫多啲。