影片
更多
2019-04-23
441 浏览
假如食物不似你预期本人好钟意食泰国菜，黎到东大街，有咁多美食，但我都拣左一间泰国菜，因为我见到OpenRice嘅食评有好多好评，但点知呢个就成为左我今晚最错嘅决定。我哋两个人总共叫咗三样嘢，第一系柚子虾沙律，第二系冬阴功鸡煲，第三系芒果糯米饭。柚子虾沙律系ok嘅，啲柚子肉系正常嘅，啲虾都系正常嘅，不过我喺出面食过啲比较足料嘅会有啲鱼仔干喺上面增加啲咬口，呢度嘅配料就争左少少。冬阴功鸡煲令我几失望，冬阴功本身就够味嘅，但败笔系啲鸡肉，唔入味之余啲肉仲好鞋。食完呢两样嘢，觉得颇失望，但我同自己讲，可能系叫错嘢姐，俾多次机会啦，叫一个大家喺食评都话好食嘅芒果糯米饭！我话，如果连芒果糯米饭都唔掂嘅话，我就俾负评。结果系点？以下系令人绝望嘅芒果糯米饭，一个价值$52元正嘅芒果糯米饭。侍应将呢碟嘢摆上台之际，我满脑子都是疑问：点解同我日常嘅认知有咁大分别？点解系咁白嘅呢? 莫非系新品种嘅芒果，就好似日本𠮶只淡雪士多啤梨咁？然后我尝试用叉吉一下，大佬，唔系路，青木瓜般的硬度，好大力先吉到。再咬一啖，青木瓜的爽脆，再带颇强烈的酸味，或者喺呢个平行时空入面，我食紧嘅系青木瓜糯米饭。我举手向侍应示意，向佢
本人好钟意食泰国菜，黎到东大街，有咁多美食，但我都拣左一间泰国菜，因为我见到OpenRice嘅食评有好多好评，但点知呢个就成为左我今晚最错嘅决定。
我哋两个人总共叫咗三样嘢，第一系柚子虾沙律，第二系冬阴功鸡煲，第三系芒果糯米饭。
柚子虾沙律系ok嘅，啲柚子肉系正常嘅，啲虾都系正常嘅，不过我喺出面食过啲比较足料嘅会有啲鱼仔干喺上面增加啲咬口，呢度嘅配料就争左少少。
冬阴公鸡煲
29 浏览
0 赞好
0 留言
冬阴功鸡煲令我几失望，冬阴功本身就够味嘅，但败笔系啲鸡肉，唔入味之余啲肉仲好鞋。
食完呢两样嘢，觉得颇失望，但我同自己讲，可能系叫错嘢姐，俾多次机会啦，叫一个大家喺食评都话好食嘅芒果糯米饭！
我话，如果连芒果糯米饭都唔掂嘅话，我就俾负评。结果系点？以下系令人绝望嘅芒果糯米饭，一个价值$52元正嘅芒果糯米饭。
芒果糯米饭
$52
21 浏览
0 赞好
0 留言
侍应将呢碟嘢摆上台之际，我满脑子都是疑问：点解同我日常嘅认知有咁大分别？点解系咁白嘅呢? 莫非系新品种嘅芒果，就好似日本𠮶只淡雪士多啤梨咁？然后我尝试用叉吉一下，大佬，唔系路，青木瓜般的硬度，好大力先吉到。再咬一啖，青木瓜的爽脆，再带颇强烈的酸味，或者喺呢个平行时空入面，我食紧嘅系青木瓜糯米饭。
我举手向侍应示意，向佢请教：「呢个系咪新品种？或者你会唔会俾左个青木瓜我？」
侍应走去请示一个疑似老板嘅人，老板行过黎，望住枱上的芒果，不禁失笑：「er，我谂呢个芒果系有啲生同未熟。」我向他重申呢个芒果好硬同好酸，佢回答：「睇落的确系好似一旧生嘅蕃薯咁！唔好意思，因为我地已经用晒啲熟嘅芒果，所以我就算再开一个芒果，都会系咁样。不如我剩系收你糯米饭钱啦，扣三十二蚊俾你，收返你廿蚊啦！
我只想快啲离开，所以算了。如果我系老板嘅话，我应该会直接waive 左成个芒果糯米饭嘅钱；如果我系侍应嘅话，我见到咁嘅色嘅芒果，我唔会捧出黎；如果我系个整甜品嘅师父，当我切开个芒果见到咁嘅色，我会话同个客讲卖晒啦；如果我系你，我唔会食呢度😭
张贴
