芝加哥串燒酒場

今日约咗朋友嚟兰桂坊，食吓嘢倾吓偈happy Friday！自从疫情之后兰桂坊都少咗好多人黎玩，所以唔算好迫好多人！今次嚟食串烧最啱同朋友一路倾偈一路饮酒🍻嗌咗好多唔同肉类同海鲜嘅串烧 可以样样都试吓！盐烧牛舌心够咸香 入边好软嫰 猪颈肉用左孜然粉调味 香口好食 鸡皮墨鱼卷都推荐！喺出边冇食过 鸡皮烧得香脆墨鱼滑单弹牙招牌白鳝鱼皮烤得香脆 但系鱼肉仲好嫰滑 好好味香葱烧蛏子王 虽然蛏子唔系好大只 但系都食得出系新鲜 烧完唔会太干 仲好Juicy即烧乳猪个味好似以前过大海食葡国餐𠮶种乳猪味 烧到层皮脆卜卜 正呀鱿鱼串大大件卖相靓味道正芝士烧生蚝 估唔到只蚝都几大只几肥美 不过同行朋友就话烧生蚝串 更有风味 我就钟意牛油葱蒜烧鲍鱼 鲍鱼唔会煮到好韧 我食咗两只👍🏻讲真啲嘢都几重味，配返啲酒精饮品平衡D因为怕肥仲嗌咗啲蔬菜 我地嗌咗芦笋同埋烧茄子估唔到茄子好有惊喜 调味做得啱啱好 拎到上枱热辣辣食唔停口之后我哋一直倾偈 追加咗鸡泡鱼干同埋烧菠萝 鸡泡鱼干个味好似鱿鱼丝咁 送酒一流 最后食埋菠萝大满足喇！