芝C Sushi (匯景商場) (已結業)

上网见到呢间小店既寿司望落好吸引，去开蓝田就专登去试下。汇景商场成个迷宫咁，经自动电梯上去行几步又见到自动电梯，真系会以为自己行错，兜黎兜去终于揾到。小店外得少量企位，所以都多人叫外卖。我就叫左几款芝味卷，芝味刺身同手卷。每款都好多蛋黄酱，蛋黄酱同d卷又好夹，真系食得津津有味。几款入面，我最推介芝味三文鱼腩刺身! 三文鱼腩大大件，夹住一层芝士，面头仲有好多蛋黄酱，真系好好食。呢间小店几有心思，见menu都多款式，不过当日叫完都等得比较耐，经过想食寿司可以试下。