達人包車 (已結業)

寻日同友人系铜锣湾行街，见饿饿地就系openrice揾下有咩好食啦，揾揾下见到之前经过尖沙咀见到嘅达人包车，原来系铜锣湾开咗分店，之前一直想试但次次都排晒长龙，今次终于有机会试下！一上到铺头，可能因为新开，人流唔算多，店员好快就带我哋坐底，一坐底就有小菜同水。但因为价钱都唔太平，同朋友就净系叫咗个芝士排骨。上菜效率都几快，唔洗话等好耐。不过估唔到原来排骨有点辣，好彩同友人都算食得辣，肉质都几冧，好食~ 韩国店员教我哋等啲芝士溶咗就可以卷埋啲排骨一齐食，辣辣地嘅排骨再加上香喷喷嘅芝士，原来特别滋味排骨下面仲有啲栗米 芽菜 洋葱等等，夹埋一齐食都唔会太腻隔离嘅芝士肠同饭团仲有辣辣地嘅年糕都好惹味啊!!