米走雞Live

营业中

休息中

咪走鸡长沙湾店新开张个阵时就试过一次, 我记得仲要排成个半钟先有得食。不过依家分店越开越多,连观塘都有,而且店舖相当大有好多个座位,所以今次一去到吾洗等就有得食。我依旧叫左米走鸡嘅招牌黄金芝士鸡煲,鸡件系上枱之前已经煮到熟左,不过再煮多一阵会令D鸡肉更入味,鸡件系用左鸡脾肉,所以啖啖肉同好嫩滑分量亦都好多。芝士方面我拣左极量,所以面头舖满晒芝士,仲做到拉丝效果㖭,每件鸡件都沾满哂浓浓既芝士汁,正。加埋越煮越甜嘅洋葱一齐食已经令人食指大动。鲜炸响铃系食芝士鸡煲必叫嘅配料,一客有六大件,脆卜卜嘅响铃放落芝士汁到就即刻攞返上黎,做到外软内脆又吸收到芝士汁嘅精华。鲜制四拼饺有凤城水饺,鲜虾云吞,韮菜饺同牛肉饺,除咗牛肉饺之外,其他饺子味道都吾错,唯独是牛肉饺太重黑椒味,完全食吾出牛肉味。食芝士鸡煲咁邪恶,当然要叫番D蔬菜平衡下,感觉会自我良好D,我就叫左个杂菇拼盘,有齐晒金菇,秀珍菇,鸡髀菇同冬菇。食到最尾当然吾少得再order埋稻庭乌冬整番个芝士捞乌冬。