Cafe 1950歐陸餐廳 (已結業)

最近韩国芝士排骨/鸡大行其道，我同朋友都食过几间，今次我地特登走入大围美林邨揾芝士鸡 。入面Feel系欧陆餐厅，同我地准备食韩国野结合感觉好特别。我都有个差唔多既木盒，不过用黎放散银唔系刀叉。依到冻热饮品都系自座式 ，可无限添饮。椒盐薯条 ($24) : 大大条薯条热辣辣，椒盐味剌激你停唔到手狂食。温泉蛋凯撒沙律($56) : 温泉蛋沙律几有新鲜感，温泉蛋蛋汁混合沙律酱令整个凯撒沙律变得不同。白酒忌廉蓝青口($75) : 食落有好香白酒味，青口味较淡，差不多比白酒盖过。美式烧猪仔肋骨($150) : 好大碟猪仔肋骨可以分到十几旧，每一旧肉都不算太多，食落肉质较韧，酱好似茄汁较酸。韩式拉芝士辛辣泡菜鸡肉石板饭($85) : 最后到我地黎既主要目的芝士鸡 。食佢一定要快如果芝士冻左会变硬味道分会减半，泡菜既辣味同芝士中和不算太辣，鸡肉好嫩滑连鸡皮、芝士、泡菜一齐食好滋味，剩系依碟我都可以伴一碗白饭。基本上全餐都系食西餐，得芝士鸡系韩国菜。