Tom N Toms Coffee (已結業)

跟朋友闲谈中，得知南昌V Walk商场有间商舗啲三文治好正，有机会去开记得试下。中午因在附近工作，所以到V Walk商场内嘅Tom N Toms Coffee 一试，我买咗件多重烤芝士三文治同苹果肉桂流心松饼，坐低饮杯野慢慢食。最挑起我食欲的是多重烤芝士三文治，睇倒都流晒口水，三文治嘅面层盖满厚厚的芝士，一次过品尝到三款芝士嘅不同口味，芝士味又浓又香，好有口感，芝士爱好者不能不试。另一样系苹果肉桂流心松饼，饼外层淋上湿润嘅肉桂汁，饼中心用苹果肉桂酱做内馅，食落饼质松而柔香，咬开酱汁流心，有香甜果味，喜爱甜品嘅我就啱晒啦！😋😋😋